Үйлчилгээний нөхцөл

Ерөнхий зүйл:

• a. "Монгол Контент" ХХК-ийн бүтээгдэхүүн "Бүтээл" гар утасны аппликэйшн нь уран бүтээлчид буюу дуучин, дууны эрх эзэмшигч, зохиогчийн эрх эзэмшигч, киноны эрх эзэмшигчдэд /цаашид "Эрх эзэмшигч" гэх/ өөрсдийн бүтээлээ олон нийтэд хүргэхтэй холбоотойгоор .... -тэй /цаашид "Монгол Контент" ХХК гэх/цахим гэрээ байгуулах, бүтээлээ цахимаар илгээх, бүтээлийн татан авалт, орлогын мэдээллээ харах платформ юм.
• b. Үйлчилгээний нөхцөл нь Эрх эзэмшигч "Бүтээл" аппликэйшнд бүртгүүлэн,өөрийн бүтээлийг түгээх болон түүнтэй холбоотой үүсэх харилцааг зохицуулна.
• c. Энэхүү үйлчилгээний нөхцөлийг зөвшөөрснөөр дээрх үйл ажиллагаатай холбоотой харилцааг хүлээн зөвшөөрсөнд тооцно.

Нэр, тодорхойлолт:

• a. "Бүтээл" аппликейшн гэж уран бүтээлч хувь хүн болон байгууллагын оюуны бүтээлийг олон нийтэд түгээхтэй холбоотой үйлчилгээг бүрдүүлсэн гар утасны аппликэйшн (цаашид "БҮТЭЭЛ" апп гэх) ;
• b. "Эрх эзэмшигч" гэж Үйлчилгээний нөхцөлийг хүлээн зөвшөөрч, гэрээ байгуулан "БҮТЭЭЛ" апп-ыг хэрэглэж буй иргэний эрх зүйн бүрэн чадамжтай дуучин, зохиогчийн эрх эзэмшигч, киноны эрх эзэмшигч иргэн, татвар төлөгч байгууллага, хуулийн этгээдийг;
• c. "Харилцагч" гэж Уран бүтээлчдийн бүтээлийг өөрийн үйлчилгээгээр дамжуулан олон нийтэд түгээхийг зөвшөөрөн "Монгол Контент"-той хамтран ажилладаг байгууллагыг;

Талуудын үүрэг, хариуцлага:

• a. "Эрх эзэмшигч" нь "БҮТЭЭЛ" апп-д нэвтэрч, бүртгэл үүсгэхээс өмнө энэхүү нөхцөлтэй бүрэн танилцаж, "Үйлчилгээний нөхцөлийг хүлээн зөвшөөрч байна" товчийг дарснаар "БҮТЭЭЛ" апп-аар дамжуулан "Монгол Контент" ХХК-тай цахим гэрээ байгуулах, бүтээлээ цахимаар илгээх, татан авалт болон орлогын мэдээллээ харах зэрэгтэй холбоотой үйл ажиллагааг ашиглах эрхтэй болно.
• b. "Үйлчилгээний нөхцөлийг хүлээн зөвшөөрч байна" товчийг дараагүй тохиолдолд энэхүү үйлчилгээний нөхцөлийг хүлээн зөвшөөрөөгүй буюу татгалзсанд тооцож, бүртгэл үүсэх боломжгүй болох ба үйлчилгээг ашиглах боломжгүйг анхаарна уу.
• c. "БҮТЭЭЛ" апп нь Эрх эзэмшигчийн уран бүтээлийг өөрийн болон Харилцагч байгууллагуудын үйлчилгээгээр дамжуулан олон нийтэд түгээх, борлуулах, тайлан, тооцоогоо хянах боломжийг Эрх эзэмшигчид олгоно.
• d. Үйлчилгээний нөхцөлийн хэрэгжилтэд "Монгол Контент" ХХК болон Эрх эзэмшигч талууд хяналт тавина.
• e. "БҮТЭЭЛ" апп-ын хэвийн ажиллагаа, түүний мэдээллийн аюулгүй байдал, мэдээллийн нууцлалыг "Монгол Контент" ХХК нь хариуцна.

Бүртгэл үүсгэх, гэрээ байгуулах:

• a. Эрх эзэмшигч нь бүртгэл үүсгэхдээ Нэвтрэх/Бүртгүүлэх хэсгийг сонгон, Хувь хүн эсвэл Байгууллага аль нэгийг сонгон, шаардлагатай мэдээллүүдийг бүрэн оруулж, баталгаажуулснаар үйлчилгээг бүрэн ашиглах боломжтой болно.
• b. Эрх эзэмшигч та өөрийн бүртгэлээ үнэн зөв өгөх үүрэгтэй бөгөөд шаардлагатай үед өөрийн мэдээллийг засах, шинэчлэх, гүйцээж бүртгүүлэхээ үүгээр зөвшөөрч байгаа болно.
• c. Бүртгэл үүсгэхдээ хувийн мэдээллээ үнэн зөв өгөөгүйгээс Танд хүрч буй үйлчилгээ доголдох, аливаа хүсэлтийг шийдвэрлэхэд удаашрах, тайлан, мэдээллээ хянах боломжгүйд хүрэх эрсдэлтэй.
• d. Та өөрийн бүртгэлийн мэдээлэл, нууц үгээ бусдад дамжуулахгүй байх үүрэгтэй бөгөөд бусдад дамжуулснаас үүдэн гарах аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас учирсан аливаа эрсдэл, хохирлыг "Монгол Контент" ХХК нь хариуцахгүй болно.
• e. Бүртгэлийн үнэн зөв, аюулгүй байдал алдагдсан гэж үзвэл нэн даруй [email protected] хаягт цахим шуудан илгээх болон 7555 3131 утсаар мэдэгдэнэ үү.

Оюуны өмч:

• a. Бид оюуны өмчийг дээдэлдэг бөгөөд Уран бүтээлч таны оюуны бүтээлийг өөрийн болон харилцагч байгууллагуудын үйлчилгээнд түгээхээс бусад зорилгоор ашиглахгүй болно.

Нууцлалын бодлого:

• Таны мэдээллийн нууцлал бидэнд маш чухал бөгөөд таны оруулсан мэдээлэл нь манай баазад аюулгүйгээр хадгалагдах болно.
• a. Бид таны мэдээллийг зөвхөн дотоод үйл ажиллагаа буюу эрх эзэмшигчдийн орлогыг цуглуулах, хуваарилахтай холбоотой харилцаанд ашиглана.
• b. Бид таны байршлын мэдээллийг хянадаггүй.
• c. Бид таны мэдээллийг таны зөвшөөрөлгүйгээр гуравдагч этгээдэд дамжуулдаггүй.

Үйлчилгээний нөхцөл өөрчлөх:

• a. "БҮТЭЭЛ" апп нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүрд Уран бүтээлчид "БҮТЭЭЛ" апп-аар дамжуулан мэдэгдэх ба Уран бүтээлч нь тухай бүрд танилцах үүрэг хүлээнэ.
• b. Үйлчилгээний нөхцөлийн шинэчлэлттэй танилцаагүйтэй холбоотой үүдэн гарах аливаа үл ойлголцолд "Монгол Контент" ХХК нь хариуцлага хүлээхгүйг анхаарна уу.

Давагдашгүй хүчин зүйлс :

• a. "Монгол Контент" ХХК нь байгалийн гамшигт үзэгдэл, цаг агаарын онцгой нөхцөл байдал, гэнэтийн давагдашгүй хүчин зүйлс, гал түймэр, дайн бослого, үймээн самуун, хөдөлмөрийн маргаан, осол, Засгийн газрын үйл ажиллагаа, харилцаа холбоо болон цахилгаан тасрах, тоног төхөөрөмж болон программ хангамж эвдрэх, хакер халдлага зэрэг хяналтаас гадуурх аливаа нөхцөл байдал, үйл явдлын улмаас учирсан аливаа хохирол, үйлчилгээний сааталд хариуцлага хүлээхгүй.

Зар сурталчилгаа:

• a. "БҮТЭЭЛ" апп нь мэдээллийн болон арилжааны зорилгоор сурталчилгаа байршуулах эрхтэй.

Хэрэглэгчийн мэдээлэл устгах:

• a. "БҮТЭЭЛ" апп дахь бүртгэлийг зөвхөн уран бүтээлч таны хүсэлтээр устгах эсвэл идэвхгүй болгож болно.
• b. Хэрэглэгчийн мэдээлэл устгах хүсэлтийг [email protected] хаягаар хүлээж авна.
• c. Таны хүсэлтийг Админ шалган, баталгаажуулснаар таны бүртгэл устах эсвэл идэвхгүй болох болно.

Хугацаа:

• a. Энэхүү үйлчилгээний нөхцөл нь 2025 оны .... сарын ... өдрөөс эхлэн дахин шинэчлэгдэх хүртэл мөрдөгдөх болно.

Санал хүсэлт:

• a. Хэрэв та манай үйлчилгээтэй холбоотой санал, хүсэлт болон асуулт байвал дараах хаягуудаар хандах боломжтой.
  Цахим шуудан: [email protected]
  Утас: 7555 3131